Ályktun aðalfundar, febrúar 2011

Haldinn á Hallveigarstíg 1, laugardaginn 12 febrúar 2011, gagnrýnir harðlega að ríkisstjórn Samfylkingar og Vinstri hreyfingarinnar græns framboðs skuli ekki hafa staðið við stjórnarsáttmála ríkisstjórnarinnar þar sem kveðið var á að 1. september 2010 skyldu hafnar róttækar breytingar á núverandi fiskveiðistjórnkerfi í samræmi við álit mannréttindanefndar Sameinuðu þjóðanna og háværar kröfur íslensku þjóðarinnar.

Aðalfundurinn krefst þess að komið verði á jafnræði, atvinnufrelsi og fullum mannréttindum í því stjórnkerfi sem íslenskir fiskimenn og þjóðin öll þarf að lifa við.

Aðalfundurinn fordæmir það stjórnkerfi fiskveiða sem stjórnmálamenn fortíðarinnar hafa innleitt á Íslandi og stjórnmálamenn nútímans verja með aðgerðum sínum og aðgerðaleysi.

Aðalfundurinn fordæmir það að langstærstur hluti af vinnudegi kvótalausra sjómanna fer í að vinna fyrir kvótagreifa sem leigja okkar fólki aðgang að sameiginlegri auðlind sem þjóðin á og þeir hafa hrifsað til sín. Gildisauki okkar vinnu fer í vasa þeirra sem þykjast eiga auðlindina en ekki til okkar fjölskyldna eða í skatta til að halda uppi velferðarkerfinu.

Aðalfundurinn telur að enginn eigi að njóta neinna gæða í fiskveiðistjórnkerfinu nema hann hafi kostað til þess vinnu. Aðalfundurinn krefst þess að öll þau lífsins gæði sem skapast af striti manna og eru afrakstur þeirrar vinnu eigi að tilheyra þeim sem skapað hafa þau.

Aðalfundurinn mótmælir harðlega að sumir fiskimenn þurfa að vinna myrkranna á milli og aðrir njóti arðsemi þeirrar vinnu án þess að vinna neitt sjálfir. Þetta er óréttlæti sem ekki á að viðgangast lengur. Það er hverri ríkisstjórn verðugt verkefni að tryggja sérhverjum vinnandi manni allan afrakstur vinnu hans eða eins mikið og mögulegt er.

Aðalfundurinn telur hafið yfir vafa að lög um stjórn fiskveiða brjóti gegn jafnræðisreglu- og atvinnufrelsisákvæði stjórnarskrárinnar. Telur aðalfundurinn óskiljanlegt að þar sem fiskveiðistjórnkerfið fer í bága við flokkssamþykktir Samfylkingar og VG, ríkisstjórnarsáttmálann, Stjórnarskrána og alþjóðlega mannréttindasáttmála, að ríkisstjórnin skuli vera jafn ráðalaus gagnvart vandanum og raunin er.

Aðalfundurinn mótmælir harðlega orðum talsmanna LÍÚ, að útgerðarmenn eigi stjórnarskrárvarinn eignar-og atvinnurétt á fiskveiðiauðlindinni. Telur aðalfundurinn að orð talsmanna LÍÚ sýni svo ekki verður um villst að ríkisstjórnin verði að bregðast við áður en það verði of seint.

Aðalfundurinn hafnar því ríkisstyrkjakerfi sem LÍÚ ver með kjafti og klóm og hefur til þess stuðning stjórnmálamanna.

Aðalfundurinn telur að frjálsar krókaveiðar skapi hnignandi byggðum landsins mögulegt lífsviðurværi. Við erum reiðubúnir til þess að greiða ríkinu sanngjarnt gjald fyrir þann afla sem við berum að landi. Við mótmælum harðlega að þurfa að greiða útgerðum á Íslandi okurleigugjald fyrir óveiddan fisk í sjó sem þjóðin á.

Aðalfundurinn telur að afnema beri þegar allar hömlur á handfæraveiðar. Aðalfundurinn bendir á að fyrirtæki í sjávarútvegi eru mörg hver gjaldþrota þrátt fyrir að hafa sölsað undir sig lífsviðurværi fjölda sjávarplássa og flutt á brott. Við munum skapa þessum sjávarplássum tilverurétt á nýjan leik með frjálsum krókaveiðum.

Aðalfundurinn skorar á og brýnir Jón Bjarnason sjávarútvegsráðherra og aðra pólitíska baráttumenn gegn ranglátu stjórnkerfi fiskveiða að standa sig. Þið munið njóta stuðnings almennings í því verki.

Umsögn S.Í.F. um minna frumvarpið

Birt 9. júní 2011 af jongunnar

Nefndarsvið Alþingis Austurstræti 8-10 150 Reykjavík. Reykjavík 6. júní 2011 Efni: Umsögn Samtaka íslenskra fiskimanna um frumvarp til laga um breytingu á lögum um stjórn fiskveiða. 826. mál. Almennt. Vísað er til erindis háttvirtrar Sjávarútvegs- og landbúnaðarnefndar Alþingis dagsett … Lesa meira →

Flokkar: Fréttir | 1 svar

Íslenskir fiskimenn ósáttir við frumvarp sjávarútvegsráðherra

Birt 5. júní 2011 af sif

Stjórn Samtaka íslenskra fiskimanna fordæmir fyrirætlanir stjórnvalda um að ætla að festa í sessi til frambúðar kerfi mismununar og mannréttindabrota eins og það er orðað í tilkynningu frá samtökunum. Lesa alla fréttina á dv.is

Flokkar: Fjölmiðlar | Skrifa athugasemd

Ályktun aðalfundar 2011

Birt 18. maí 2011 af sif

Haldinn á Hallveigarstíg 1, laugardaginn 12 febrúar 2011, gagnrýnir harðlega að ríkisstjórn Samfylkingar og Vinstri hreyfingarinnar græns framboðs skuli ekki hafa staðið við stjórnarsáttmála ríkisstjórnarinnar þar sem kveðið var á að 1. september 2010 skyldu hafnar róttækar breytingar á núverandi … Lesa meira →

Flokkar: Aðalfundur | Skrifa athugasemd

Aðalfundur Samtaka íslenskra fiskimanna 2011

Birt 18. maí 2011 af sif

Fyrsti aðalfundur Samtaka íslenskra fiskimanna var haldinn laugardaginn 12. febrúar 2011. Fundurinn var afar vel sóttur, en Jón Bjarnason, sjávarútvegs- og landbúnaðarráðherra sótti fundinn og hélt þar erindi, auk Oddnýjar Harðardóttur alþingismanns og Elínar Bjargar Ragnarsdóttur framkvæmdarstjóra samtaka fiskvinnslu án … Lesa meira →

Flokkar: Aðalfundur | Skrifa athugasemd